കൊച്ചി: ജൂലായ് 10 മുതൽ 20 വരെ ഡി.വൈ.എഫ്.ഐ സംസ്ഥാന വ്യാപകമായി സ്ത്രീധന വിരുദ്ധ കാമ്പെയിൻ നടത്തുമെന്ന് സംസ്ഥാന സെക്രട്ടറി എ.എ.റഹിം പറഞ്ഞു. ബ്ലോക്ക് തലങ്ങളിൽ സെമിനാറുകളും യൂണിറ്റ് തലങ്ങളിൽ സ്ത്രീധനവിരുദ്ധ പ്രതിജ്ഞയെടുക്കലുമാണ് പരിപാടി.

ഇന്ധന - പാചക വാതക വിലവർധനയ്ക്കെതിരെ ആറിന് കേന്ദ്ര സർക്കാർ സ്ഥാപനങ്ങൾക്ക് മുന്നിൽ ധർണ നടത്തും. മൂവാറ്റുപുഴയിലെ പോക്‌സോ കേസി​ൽ പ്രതികളെ പിന്തുണയ്ക്കുന്ന മാത്യു കുഴൽനാടൻ എം.എൽ.എയ്ക്കെതി​രെ പ്രക്ഷോഭം ശക്തമാക്കുമെന്നും റഹിം വ്യക്തമാക്കി​.

വാർത്താ സമ്മേളനത്തിൽ സംസ്ഥാന പ്രസി​ഡന്റ് എസ്.സതീഷ്, എസ്.കെ.സജീഷ്, പ്രിൻസി കുര്യാക്കോസ്, സോളമൻ സാജു തുടങ്ങിയവർ പങ്കെടുത്തു.