കൊച്ചി: പാലാരിവട്ടം - തമ്മനം റോഡിൽ സംസ്കാര ജംഗ്ഷനിലെ പറമ്പിൽ രണ്ട് മീറ്റർ ഉയരമുള്ള കഞ്ചാവ് ചെടി കണ്ടെത്തി. ഒരു വർഷത്തോളം വളർച്ച എത്തിയതാണ് ചെടി. എറണാകുളം എക്‌സൈസ് സ്‌പെഷ്യൽ സ്‌ക്വാഡിലെ ഇൻസ്‌പെക്ടർ എൻ. ശങ്കറും സംഘവും ചെടി കസ്റ്റഡിയിലെടത്തു. തൃശൂർ സ്വദേശിയായ ഡോക്ടറുടെ 20 സെന്റോളം വരുന്ന പറമ്പ് കാടുപിടിച്ചുകിടക്കുകയാണ്. കഞ്ചാവ് ചെടി നട്ട് വളർത്തിയവരെ സംബന്ധിച്ച് എക്‌സൈസിന് സൂചന ലഭിച്ചിട്ടുണ്ട്.