കാലടി: കാഞ്ഞൂർ പഞ്ചായത്തിലെ എല്ലാ വാർഡുകളിലെയും നിർദ്ധന വിദ്യാർത്ഥികൾക്ക് ഹെൽപ്ഡെസ്ക്ക് പഠനോപകരണങ്ങൾ വിതരണം ചെയ്തു. സി.പി.എം. ജില്ലാ സെക്രട്ടറി സി.എൻ മോഹനൻ ഉദ്ഘാടനം നിർവ്വഹിച്ചു.

പദ്ധതികൾക്ക് വേണ്ടി ആക്രി സാധനങ്ങൾ ശേഖരിച്ച് വിൽപന,​ പായസ ചലഞ്ച് എന്നിവ നടത്തിയാണ് ഫണ്ട് സമാഹരിച്ചത്. ഹെൽപ് ഡസ്ക് ഓഫീസിൽ വച്ച് നടന്ന ചടങ്ങിൽ കോഡിനേറ്റർ പി.അശോകൻ അദ്ധ്യക്ഷനായി. ഏരിയാ സെക്രട്ടറി സി.കെ സലിംകുമാർ, ലോക്കൽ സെക്രട്ടറി കെ.പി.ബിനോയി , കെ.വി. വിപിൻ , ചന്ദ്രവതി രാജൻ, എ.എ. സന്തോഷ്, എം.കെ ലെനിൻ എന്നിവർ സംസാരിച്ചു. ജനപ്രതിനിധികളായ കെ.വി. അഭിജിത്ത്, ആൻസി ജിജോ, ഷിജി ഷാജു, റിൻസി സാജു തുടങ്ങിയവർ പങ്കെടുത്തു.