കോതമംഗലം: കോതമംഗലം മണ്ഡലത്തിൽ മുഖ്യമന്ത്രിയുടേയും പട്ടികജാതിവർഗ ക്ഷേമവകുപ്പ് മന്ത്രിയുടെയും ദുരിതാശ്വാസ നിധിയിൽ നിന്നുമായി 393 പേർക്കായി 90ലക്ഷം രൂപ അനുവദിച്ചതായി ആന്റണി ജോൺ എം.എൽ.എ അറിയിച്ചു. മുഖ്യമന്ത്രിയുടെ ദുരിതാശ്വാസ നിധിയിൽനിന്ന് ചികിത്സാധനസഹായമായി 335 പേർക്കായി 74 ലക്ഷം രൂപയും പട്ടികജാതിവർഗ ക്ഷേമവകുപ്പ് മന്ത്രിയുടെ ചികിത്സാധനസഹായമായി 58 പേർക്ക് 16 ലക്ഷം രൂപയുമാണ് അനുവദിച്ചിട്ടുള്ളത്. ചികിത്സാധനസഹായത്തിന് അർഹരായവരുടെ ബാങ്ക് അക്കൗണ്ടുവഴി ധനസഹായം ലഭ്യമാകും. ചികിത്സാധനസഹായത്തിനായി അപേക്ഷ സമർപ്പിക്കുന്നതിനുവേണ്ട ക്രമീകരണങ്ങൾ എം.എൽ.എ ഓഫീസിൽ ഏർപ്പെടുത്തിയിട്ടുണ്ട്.