മൂവാറ്റുപുഴ: വി.ആർ.എ പബ്ലിക് ലൈബ്രറിയുടെ വായനപക്ഷാചരണത്തോടനുബന്ധിച്ച് കഥാപ്രസംഗ ലോകത്തെ ഇതിഹാസ പുരുഷൻ വി. സാംബശിവൻ അനുസ്മരണം നടന്നു. സംസ്ഥാന ലൈബ്രറി കൗൺസിൽ അംഗം ജോസ് കരിമ്പന സമ്മേളനം ഉദ്ഘാടനം ചെയ്തു. ലൈബ്രറി പ്രസിഡന്റ് കെ.ആർ വിജയകുമാർ അദ്ധ്യക്ഷത വഹിച്ചു. കാഥികനും കാർട്ടൂണിസ്റ്റുമായ കെ.എ. ജോയി അനുസ്മരണ പ്രഭാഷണം നടത്തി. താലൂക്ക് ലൈബ്രറി കൗൺസിൽ സെക്രട്ടറി സി.കെ. ഉണ്ണി, മാദ്ധ്യമപ്രവർത്തകൻ പി.ജി. ബിജു, ഉല്ലാസ് ചാരുത, സീബ എം എസ്, പ്രഭാവതി, ഗോപി, താലൂക്ക് ലൈബ്രറി കൗൺസിൽ എക്സി.അംഗം സിന്ധു ഉല്ലാസ് തുടങ്ങിയവർ സംസാരിച്ചു. ഗൂഗിൾ മീറ്റ് യോഗത്തിൽ ലൈബ്രറി സെക്രട്ടറി ആർ. രാജീവ് സ്വാഗതവും എം .എം .രാജപ്പൻപിള്ള നന്ദിയും പറഞ്ഞു.