കോലഞ്ചേരി: കുന്നത്തുനാട്ടിൽ യാക്കോബായസഭാ വൈദികരും നേതാക്കളും എൻ.സി.പിയിൽ ചേർന്നു. ഫാ. തോമസ് ചെമ്പോത്തുംകുടിയുടെയും സഭാ മാനേജിംഗ് കമ്മ​ിറ്റി മുൻ മെമ്പറും അങ്കമാലി ഭദ്രാസന കൗൺസിൽ അംഗവും ഓഡി​റ്ററുമായ റെജി സി. വർഗീസിന്റെയും നേതൃത്വത്തിൽ വൈദികരും നിരവധി സഭാ അംഗങ്ങളുമാണ് എൻ.സി.പിയിൽ ചേർന്നത്. ഇതിന് മുന്നോടിയായി സംസ്ഥാന പ്രസിഡന്റ് പി.സി. ചാക്കോയുമായി സംസ്ഥാന കമ്മ​ിറ്റി ഓഫീസിലെത്തി നേതാക്കൾ കൂടിക്കാഴ്ച നടത്തിയിരുന്നു. സംസ്ഥാന ജനറൽ സെക്രട്ടറി വി.ജി. രവീന്ദ്രൻ യോഗം ഉദ്ഘാടനം ചെയ്തു. ജില്ലാ പ്രസിഡന്റ് അബ്ദുൾ അസീസ് അദ്ധ്യക്ഷനായി. ബി. ജയകുമാർ, റെജി ഇല്ലിക്കപ്പറമ്പിൽ സാൽവി കെ. ജോൺ തുടങ്ങിയവരും സംബന്ധിച്ചു.