കളമശേരി: ഏലൂർ ഗവ. എൽ.പി.സ്കൂളിലെ മുഴുവൻ വിദ്യാർത്ഥികൾക്കും ഏലൂർ സർവീസ് സഹകരണ ബാങ്ക് പഠനോപകരണങ്ങൾ നൽകി. നഗരസഭാ ചെയർമാൻ എ.ഡി.സുജിൽ ഉദ്ഘാടനം നിർവഹിച്ചു. പുസ്തക വിതരണോദ്ഘാടനം ബാങ്ക് പ്രസിഡന്റ് ഇ.കെ.സേതു നിർവ്വഹിച്ചു. വൈസ് പ്രസിഡന്റ് കെ.പി.ആന്റണി അദ്ധ്യക്ഷത വനിച്ചു. ഹെഡ്മിസ്ട്രസ് മിനി കുമാരി, സ്റ്റാൻഡിംഗ് കമ്മിറ്റി ചെയർമാൻ പി.ബി .രാജേഷ്, കൗൺസിലർമാരായ ചന്ദ്രികാ രാജൻ, പി.എം.അയൂബ്, സുമേഷ് തുടങ്ങിയവർ സംസാരിച്ചു.