അങ്കമാലി: പാലിശേരി എസ്.എൻ.ഡി.പി ലൈബ്രറിയുടെ ആഭിമുഖ്യത്തിൽ ബഷീർ അനുസ്മരണം നടത്തി. ഗൂഗിൾ മീറ്റിൽ താലൂക്ക് ലൈബ്രറി കൗൺസിൽ സെക്രട്ടറി വി.കെ. ഷാജി ഉദ്ഘാടനം ചെയ്തു. താലൂക്ക് ജോ. സെക്രട്ടറി കെ.പി. റെജീഷ് ബാല്യകാലസഖി പുസ്തകാവതരണം നടത്തി. ലൈബ്രറി പ്രസിഡന്റ് കെ.കെ. മുരളി അദ്ധ്യക്ഷത വഹിച്ചു. ജില്ലാ ലൈബ്രറി കൗൺസിൽ അംഗം ടി.പി. വേലായുധൻ, ടി.എസ്. മിഥുൻ, കെ.വി. അജീഷ് എന്നിവർ സംസാരിച്ചു.