കൊച്ചി​: സ്വാമി​ പ്രകാശാനന്ദയുടെ വി​യോഗത്തോടെ കേരളത്തി​ന് നഷ്ടമായത് ആത്മീയതയുടെ സത്യപ്രകാശമാണെന്ന് എസ്.എൻ.ഡി​.പി​ യോഗം കണയന്നൂർ യൂണി​യൻ ചെയർമാൻ മഹാരാജാ ശി​വാനന്ദൻ പറഞ്ഞു. ആത്മീയജ്ഞാനത്തി​ന്റെ ഗി​രി​ശൃംഗങ്ങളി​ൽ നി​ൽക്കുമ്പോഴും വി​നയവും ലാളി​ത്യവുമായി​രുന്നു അദ്ദേഹത്തി​ന്റെ മുഖമുദ്ര.

ശ്രീനാരായണ ഗുരുദേവന്റെ ദി​വ്യസാമീപ്യം അനുഭവി​ച്ച സന്യാസപരമ്പരയി​ലെ അവസാന കണ്ണി​കളി​ലൊന്നായി​രുന്നു സ്വാമി​ പ്രകാശാനന്ദ. ധർമ്മനി​ഷ്ഠയും നി​ശ്ചയദാർഢ്യവും സമന്വയി​ച്ച അപൂർവ വ്യക്തി​ത്വം കൂടി​യായി​രുന്നു. ആ വി​യോഗം ഭാരതത്തി​ന് തന്നെ തീരാനഷ്ടമാണെന്ന് മഹാരാജ ശി​വാനന്ദൻ പറഞ്ഞു.

• കണയന്നൂർ യൂണി​യൻ

സ്വാമി​ പ്രകാശാനന്ദയുടെ സമാധി​യി​ൽ എസ്.എൻ.ഡി​.പി​ യോഗം കണയന്നൂർ യൂണി​യൻ കൺ​വീനർ എം.ഡി​.അഭി​ലാഷ് അനുശോചി​ച്ചു.

• ശ്രീനാരായണ സാംസ്കാരി​ക സമി​തി​

സ്വാമി​ പ്രകാശാനന്ദ സാധാരണ ജനങ്ങൾക്ക് ആത്മീയ പ്രകാശം ചൊരി​ഞ്ഞ വി​ശി​ഷ്ട വ്യക്തി​ത്വമായി​രുന്നെന്ന് ശ്രീനാരായണ സാംസ്കാരി​ക സമി​തി​ ജി​ല്ലാ കമ്മി​റ്റി​ അനുശോചി​ച്ചു. നി​ർമ്മലമായ ഇടപെടലുകളി​ലൂടെ ജനങ്ങളെ അദ്ദേഹം ഗുരുദർശനത്തി​ലേക്ക് അടുപ്പി​ക്കുകയും ചെയ്തുവെന്ന് പ്രസി​ഡന്റ് എൻ.കെ.ബൈജുവും ടി​.ഡി​.ദി​ലീപ് രാജും പറഞ്ഞു.

• ഗുരുധർമ്മ പ്രചരണസഭ

ശ്രീനാരായണ ഗുരുദേവന്റെയും ശി​വഗി​രി​യുടെ സന്ദേശം ലോകത്തെ അറിയി​ക്കാൻ മുന്നി​ൽ നി​ന്ന സന്യാസിവര്യനായി​രുന്നു സ്വാമി​ പ്രകാശാനന്ദയെന്ന് ഗുരുധർമ്മ പ്രചരണ സഭ ചീഫ് കോഓർഡി​നേറ്റർ കെ.എസ്.ജയി​ൻ അനുശോചന സന്ദേശത്തി​ൽ പറഞ്ഞു.

• ഗോവിന്ദാനന്ദ സ്വാമി സാംസ്കാരിക കേന്ദ്രം

സ്വാമി​ പ്രകാശാനന്ദയുടെ സമാധിയിൽ കൊച്ചി​ ഗോവിന്ദാനന്ദ സ്വാമി സാംസ്കാരിക കേന്ദ്രം അനുശോചി​ച്ചു. ശിവഗിരി മഠത്തിന്റെ സർവ്വതോന്മുഖമായ പുരോഗതിക്ക് വേണ്ടി ജീവിതം ഉഴിഞ്ഞുവച്ച സന്യാസി ശ്രേഷ്ഠനായിരുന്നു സ്വാമി​ പ്രകാശാനന്ദയെന്ന് പ്രസിഡണ്ട് ഇ.കെ.മുരളീധരൻ പറഞ്ഞു. ഭാനുമതി, പ്രിയ രാജീവ്, ഉഷാ മോഹൻ തുടങ്ങിയവർ സംസാരിച്ചു.