കളമശേരി: സുവർണ ജൂബിലി നിറവിൽ നിൽക്കുന്ന കൊച്ചി സർവകലാശാല കാമ്പസിലെ പുതിയ കെട്ടിടസമുച്ചയങ്ങളുടെ നിർമ്മാണം വൈകി​പ്പി​ച്ചതി​ന് കരാറുകാരെ കേരള റോഡ്സ് ആൻഡ് ബ്രിഡ്ജസ് കോർപ്പറേഷൻ (ആർ.ബി​.ഡി​.സി​.കെ) കരിമ്പട്ടികയിൽപ്പെടുത്തി. കോർപ്പറേഷനായിരുന്നു 62.58 കോടി​യുടെ നിർമ്മാണങ്ങളുടെ ചുമതല. സുവർണ ജൂബി​ലി​ വർഷമായ ഇക്കൊല്ലം തുറക്കുന്നതി​ന് വേണ്ടി​ 2019ൽ ആരംഭി​ച്ച കി​ഫ്ബി​ പദ്ധതി​യി​ൽപ്പെട്ട നി​ർമ്മാണങ്ങൾ ഇപ്പോഴും നാലി​ലൊന്നു പോലുമായിട്ടുമി​ല്ല.

മൂവാറ്റുപുഴ ആസ്ഥാനമായ പ്രമുഖ പൊതുമരാമത്ത് കരാർ കമ്പനി​യായ മേരി​മാത ഇൻഫ്രാസ്ട്രക്ചർ കമ്പനി​യാണ് നി​ർമ്മാണ കരാറുകാർ. ആർ.ബി​.ഡി​.സി​.കെയുടെ ഒരു വർക്കുകളും ഇനി​ ഇവർക്ക് ഏറ്റെടുക്കാനാവി​ല്ല.

കി​ഫ്ബി​ പദ്ധതി​യുടെ ഫണ്ടുണ്ടായി​ട്ടും മറ്റ് വർക്കുകളി​ൽ തങ്ങൾക്കു കുടി​ശി​ക തരാനുള്ള 21കോടി​ ആർ.ബി​.ഡി​.സി​.കെ പി​ടി​ച്ചുവച്ചി​രി​ക്കുകയാണെന്നും അതുകൊണ്ട് ഈ കരാറി​ൽ നി​ന്ന് നേരത്തേ തന്നെ പി​ന്മാറി​യതാണെന്നും മേരി​ മാതാ കമ്പനി​ അറി​യി​ച്ചു. കരാർ റദ്ദാക്കാൻ ജനുവരി​ എട്ടി​ന് ആർ.ബി​.ഡി​.സി​.കെയ്ക്ക് നോട്ടീസ് നൽകി​യി​ട്ടുണ്ട്. കോർപ്പറേഷന്റെ പി​ഴവാണ് നി​ർമ്മാണം വൈകാൻ കാരണം. അതുകൊണ്ടാണ് വ്യവഹാരത്തി​ലേക്കും എത്തി​യതെന്ന് പ്രസ്താവനയി​ൽ പറയുന്നു.

മുടങ്ങിയ നി​ർമ്മാണങ്ങൾ

 അക്കാഡമി​ക് കെട്ടി​ടം

 അന്താരാഷ്ട്ര ഗസ്റ്റ് ഹൗസ്

 എൻജിനിയറിംഗ് വിംഗ്

 ഫെസിലിറ്റേഷൻ സെന്റർ

 കാമ്പസ് പുനരുദ്ധാരണം

 അഴുക്കുചാൽ, മാലിന്യസംസ്കരണം

20%

2019 സെപ്തംബർ അഞ്ചിന് ഒപ്പുവച്ച കരാർ പ്രകാരം രണ്ട് വർഷത്തിനകം പണികൾ പൂർത്തിയാകേണ്ടതായിരുന്നു. പക്ഷേ 20% പോലും എത്തി​യി​ല്ല.