കൊച്ചി: തിരഞ്ഞെടുപ്പ് പരാജയത്തെ കുറിച്ച് ചർച്ച ആവശ്യപ്പെട്ട് മുസ്ലിംലീഗ് ജില്ലാ പ്രവർത്തക സമിതി യോഗത്തിൽ ബഹളം. സംസ്ഥാന ജനറൽ സെക്രട്ടറി പി.എം.എ.സലാമി​ന്റെ ഉദ്ഘാടനം പ്രസംഗം കഴിഞ്ഞ ഉടനെ ആലുവ, കളമശേരി മണ്ഡലങ്ങളിലെ ഇബ്രാഹിം കുഞ്ഞ് അനുകൂലികളായ രണ്ട് ഭാരവാഹികൾ കളമശേരിയിലെ തിരഞ്ഞെടുപ്പ് പരാജയം യോഗത്തിൽ ചർച്ച ചെയ്യണമെന്നും ജില്ലാ പ്രസിഡന്റി​നെതിരെ സംസ്ഥാന നേതൃത്വത്തിന് നൽകിയ പരാതി യോഗത്തിൽ വായിക്കാനും ഇരുവരും ശ്രമിച്ചു. ടി.എ.അഹമ്മദ് കബീറിനെ പിന്തുണക്കുന്ന ചിലർ തങ്ങൾക്കും ചിലത് പറയാനുണ്ടെന്ന വാദവുമായി എത്തി.യോഗത്തിൽ കെ.എം.അബ്ദുൾ മജീദ്, ഹംസ പറക്കാടൻ, എൻ.കെ.നാസർ, എം.കെ.എ. ലത്തീഫ് , അസീസ്, താഹിർ എന്നിവർ സംസാരിച്ചു. വി.കെ.ഇബ്രാഹിം കുഞ്ഞും ടി.എ.അഹമ്മദ് കബീറും യോഗത്തിൽ പങ്കെടുത്തില്ല.