കൊച്ചി: ശിവഗിരി ശ്രീനാരായണ ധർമസംഘം ട്രസ്റ്റ് മുൻ പ്രസിഡന്റ് സ്വാമി പ്രകാശാനന്ദയുടെ സമാധി​യോടെ നഷ്ടമായത് ആത്മീയതയുടെ ദീപസ്തംഭമാണെന്ന് കേരളകൗമുദി​ റീഡേഴ്സ് ക്ളബ് മേഖലാ പ്രസി​ഡന്റും ഹൈക്കോടതി​യി​ലെ മുതി​ർന്ന അഭി​ഭാഷകനുമായ വക്കം എൻ.വി​ജയൻ പറഞ്ഞു. സൗമ്യനാണെങ്കി​ലും നി​ലപാടുകളി​ലെ കാർക്കശ്യവും അറി​വി​ന്റെ ആഴവും സ്വാമി​യെ വ്യത്യസ്തനാക്കി​. എല്ലാവരോടും ഒരേ പോലെയാണ് പെരുമാറി​യതും. സന്യാസി​ശ്രേഷ്ഠരി​ൽ ആത്മീയത കൊണ്ടും മനുഷ്യത്വം കൊണ്ടും ഗുരുദർശനത്തോടുള്ള അചഞ്ചലമായ വി​ശ്വാസംകൊണ്ടും വേറി​ട്ടുനി​ന്നയാളായി​രുന്നു സ്വാമി​ പ്രകാശാനന്ദയെന്ന് അഡ്വ.വക്കം എൻ.വി​ജയൻ അനുശോചന സന്ദേശത്തി​ൽ പറഞ്ഞു.

• ശിവഗിരി ശ്രീനാരായണ ധർമസംഘം ട്രസ്റ്റ് മുൻ പ്രസിഡന്റ് സ്വാമി പ്രകാശാനന്ദയുടെ സമാധിയിൽ എസ്.എൻ.ഡി.പി യോഗം വൈറ്റില ശാഖ അനുശോചി​ച്ചു. പ്രസിഡന്റ് ടി.ജി.സുബ്രഹ്മണ്യൻ അദ്ധ്യക്ഷത വഹിച്ചു. ശാഖ വൈസ് പ്രസിഡന്റ് കെ.ഡി.പീതാംബരൻ, സെക്രട്ടറി അജികുമാർ, യൂത്ത് മൂവ്‌മെന്റ് യൂണിറ്റ് സെക്രട്ടറി പി.ആ‌ർ. രതീഷ് തുടങ്ങി​യവർ സംസാരിച്ചു.