കോലഞ്ചേരി: പുത്തൻകുരിശ് പഞ്ചായത്തിൽ ഭരണ നിർവഹണ ജീവനക്കാരുടെ യോഗം ചേർന്നു. പഞ്ചായത്ത് ഹാളിൽ നടന്ന യോഗം വിവിധ പദ്ധതികളുടെ നടത്തിപ്പുകളിൽ വരുത്തേണ്ട മാ​റ്റങ്ങളെക്കുറിച്ചും നിർവഹണ രീതികളെക്കുറിച്ചും ഭരണസമിതിയുമായി ചർച്ച നടത്തി. അഡ്വ. പി.വി. ശ്രീനിജിൻ എം.എൽ.എ. ഉദ്ഘാടനം ചെയ്തു. പഞ്ചായത്ത് പ്രസിഡന്റ് സോണിയ മുരുകേശൻ അദ്ധ്യക്ഷയായി. വൈസ് പ്രസിഡന്റ് കെ.കെ. അശോക് കുമാർ, സെക്രട്ടറി പി.എൻ. പ്രസാദ്, അസിസ്​റ്റന്റ് സെക്രട്ടറി ബിജു ബേബി പഞ്ചായത്തംഗങ്ങൾ എന്നിവർ സംസാരിച്ചു.