കിഴക്കമ്പലം: കൊവിഡ് പ്രതിസന്ധിയിൽപെട്ട് സ്വദേശങ്ങളിൽ കുടുങ്ങിയ പ്രവാസികളെ തിരികെ അയക്കുന്നതിൽ കടുത്ത അലംഭാവം തുടരുന്ന കേന്ദ്ര സർക്കാരിന്റെ പ്രവാസി വിരുദ്ധ നിലപാടുകളിൽ പതിഷേധിച്ച് കോലഞ്ചേരി ഏരിയ പ്രവാസി സംഘം പ്രതിഷേധ ധർണ സമരം നടത്തി. കുമാരപുരം പോസ്റ്റ് ഓഫിസിന് മുമ്പിൽ പ്രവാസി സംഘം ഏരിയ പ്രസിഡന്റ് നിസാർ ഇബ്രാഹിം ഉദ്ഘാടനം ചെയ്തു. ഏരിയ കമ്മിറ്റിയംഗം പി.പി. മത്തായി അദ്ധ്യക്ഷനായി. സി.പി.എം കുന്നത്തുനാട് ലോക്കൽ സെക്രട്ടറി എൻ.എം. കരീം, ടി.സി. മുഹമ്മദ്, ടോജി തോമസ്, ടി.പി. ഷാജഹാൻ, ഷിജു കരീം, സഫിയ മുഹമ്മദ്, അമൽ വർഗീസ്, ശ്രീലേഖ, ഷഹസീന തുടങ്ങിയവർ സംസാരിച്ചു.