കിഴക്കമ്പലം: ലൈ​റ്റ് ആന്റ് സൗണ്ട് വെൽഫയർ അസോസിയേഷൻ ഒഫ് കേരള കുന്നത്തുനാട് മേഖല കമ്മി​റ്റി പട്ടിമ​റ്റത്ത് ഏകദിന ഉപവാസ സമരം നടത്തി. "ഞങ്ങൾക്കും ജീവിക്കണം,ജനിച്ച നാട്ടിൽ തൊഴിൽ ചെയ്ത് ജീവിക്കാൻ അവസരമൊരുക്കുക" എന്ന മുദ്രാവാക്യമുയർത്തിയാണ് സമരം നടത്തിയത്. സംസ്ഥാന കമ്മി​റ്റി അംഗം പി.വി. ഷാജി ഉദ്ഘാടനം ചെയ്തു. കുന്നത്തുനാട് മേഖല പ്രസിഡന്റ് ജോർജ് വർഗീസ് അദ്ധ്യക്ഷനായി. ജില്ലാ പ്രസിഡന്റ് കെ.എ. വേണുഗോപാൽ മുഖ്യ പ്രഭാഷണം നടത്തി. അഡ്വ.പി.വി. ശ്രീനിജിൻ എം.എൽ. എ അഭിവാദ്യമർപ്പിച്ചു സംസാരിച്ചു. തമ്പി നാഷണൽ, ജോയ് പരിയാടൻ, ബിജു മാത്യു,വി.പി. സജീന്ദ്രൻ, ജോർജ് ഇടപ്പരത്തി, ടി.എ. ഇബ്രാഹിം,സി.പി.ഗോപാലകൃഷ്ണൻ തുടങ്ങിയവർ സംസാരിച്ചു.