മൂവാറ്റുപുഴ: മാനാറി ഭാവന ലൈബ്രറിയുടെ ആഭിമുഖ്യത്തിൽ പാറപ്പാട്ട് മുരളീധരൻ നായർ അനുസ്മരണ സമ്മേളനവും എൻഡോമെന്റ് വിതരണവും നടത്തി. അഞ്ച് വിദ്യാർത്ഥികൾക്കാണ് എൻഡോവ്മെന്റും പഠനോപകരണങ്ങളും നൽകിയത്. അനുസ്മരണ സമ്മേളനം മൂവാറ്റുപുഴ താലൂക്ക് ലൈബ്രറി കൗൺസിൽ പ്രസിഡന്റ് ജോഷിസ്ക്കറിയ ഉദ്ഘാടനം ചെയ്തു. താലൂക്ക് ലൈബ്രറി കൗൺസിൽ സെക്രട്ടറി സി.കെ.ഉണ്ണി, മുരളീധരൻ നായർ എന്നിവർ അനുസ്മരണ പ്രഭാഷണം നടത്തി . ലൈബ്രറി പ്രസിഡന്റ് കെ.എം.രാജമോഹനൻ അദ്ധ്യക്ഷത വഹിച്ചു. വാർഡ് മെമ്പർ ജയശ്രീശ്രീധരൻ പഠനോപകരണങ്ങൾ വിതരണം ചെയ്തു. ലൈബ്രറി സെക്രട്ടറി പി.എം.ഷമീർ, കമ്മിറ്റി അംഗങ്ങളായ കെ.ബി. വിഷ്ണു, കെ.എൻ.മോഹനൻ, പി.എസ്. മോഹനൻ പാറപ്പാട്ട് എന്നിവർ സംസാരിച്ചു.