പെരുമ്പാവൂർ: താലൂക്ക് ഗവണ്മെന്റ് ആശുപത്രിയുടെ ഒ.പി രോഗീസൗഹൃദം ആക്കുന്നതിന്റെ ഭാഗമായി ആർദ്രം പദ്ധതിയിൽ ഉൾപ്പെടുത്തി 1.40 കോടി രൂപ അനുവദിച്ചു. ഒ.പി നവീകരണത്തിന്റെ ഭാഗമായി രോഗികൾക്കും സന്ദർശകർക്കും ആധുനിക നിലവാരത്തിലുള്ള സേവനം ലഭ്യമാക്കും. ആശുപത്രിയുടെ നവീകരണം പൂർത്തിയാക്കുന്നതോടെ പെരുമ്പാവൂരിന്റെ ആരോഗ്യമേഖലയിൽ പുത്തൻ ഉണർവേകും.

മാസ്​റ്റർപ്ലാൻ തയ്യായാറാക്കുന്നതിന്​ മുന്നോടിയായി ഉന്നത ഉദ്യോഗസ്ഥർ ആശുപത്രി സന്ദർശിച്ചു. പദ്ധതി നിർവഹണം എൻ.എച്ച്.എം മുഖേന ടെൻഡർ നടപടികൾ പൂർത്തീകരിച്ചു വേഗത്തിൽ ആരംഭിക്കുവാനും ധാരണയായി.

ആശുപത്രിയിൽ നടന്ന അവലോകനയോഗത്തിൽ എൽദോസ് കുന്നപ്പിള്ളി എം എൽ എ അദ്ധ്യക്ഷത വഹിച്ചു. മുനിസിപ്പൽ ചെയർമാൻ സക്കീർ ഹുസൈൻ, കൗൺസിലർ പോൾ പാത്തിക്കൽ, മെഡിക്കൽ സൂപ്രണ്ട് ഡോ. ഷാനി, എൻജിനീയർ ജയ തുടങ്ങിയവർ പങ്കെടുത്തു.