കോതമംഗലം: വിവിധ സഹകരണ ബാങ്കുകളിൽ അംഗമായിട്ടുള്ള മാരക രോഗങ്ങൾ ബാധിച്ചവരെ സഹായിക്കുന്നതിനു വേണ്ടി സംസ്ഥാന സർക്കാർ രൂപീകരിച്ചിട്ടുള്ള മെമ്പർ റിലീഫ് ഫണ്ടിൽ നിന്നുള്ള ധന സഹായ വിതരണം തുടങ്ങി.താലൂക്ക് തല ഉദ്ഘാടനവും കെയർ ഹോം പ്രശസ്തി പത്ര വിതരണവും കവളങ്ങാട് സർവീസ് സഹകരണ ബാങ്ക് ഓഡിറ്റോറിയത്തിൽ നടന്ന ചടങ്ങിൽ ആന്റണി ജോൺ എം.എൽ. എ നിർവഹിച്ചു.

താലൂക്കിൽ കവളങ്ങാട് സർവീസ് സഹരണ ബാങ്ക് ,ഇടമലയാർ സർവീസ് സഹകരണ ബാങ്ക് , കുട്ടമ്പുഴ സർവീസ് സഹകരണ ബാങ്ക്,ചെറുവട്ടൂർ റൂറൽ സഹകരണ ബാങ്ക് എന്നിങ്ങനെ നാല് സർവീസ് സഹകരണ ബാങ്കുകളിൽ നിന്നുള്ള 86 പേർക്കായി 18,65000 രൂപയാണ് ആദ്യ ഘട്ടമായി വിതരണം ചെയ്തത്.കോതമംഗലം സർക്കിൾ സഹകരണ യൂണിയൻ ചെയർമാൻ കെ.കെ.ശിവൻ അദ്ധ്യക്ഷത വഹിച്ചു.