പറവൂർ: കോട്ടുവള്ളി ഗ്രാമപഞ്ചായത്തിലെ കൈതാരം പൊക്കാളി പാടശേഖരത്തിൽ ഞാറുനിരത്തൽ ആരംഭിച്ചു. ഇരുപത്തെട്ട് ദിവസം പ്രായമായ പൊക്കാളി ഞാറുകൾ ചേറോടെ പിഴുതെടുത്ത് പാടത്ത് നടുന്നതാണ് ഞാറുനിരത്തൽ. വംശനാശ ഭീഷണിയുടെ വക്കിൽ നിൽക്കുന്ന തനത് പൊക്കാളി വിത്താണ് കൈതാരം പാടശേഖരത്തിലെ കൃഷിയിറക്കിയത്. കോട്ടുവള്ളി ഗ്രാമപഞ്ചായത്ത് കൃഷിഭവനിൽ വിതരണം ചെയ്ത വൈറ്റില എട്ട് എന്നയിനം നെല്ലും കൈതാരം പൊക്കാളി പാടശേഖരത്തിൽ കൃഷി ചെയ്യുന്നുണ്ട്.
മോഹനൻ പാലിയത്തിന്റെ കൃഷിയിടത്തിൽ നടന്ന ഞാറുനിരത്തൽ കോട്ടുവള്ളി ഗ്രാമപഞ്ചായത്ത് പ്രസിഡന്റ് കെ.എസ്. ഷാജി ഉദ്ഘാടനം ചെയ്തു. വൈസ് പ്രസിഡന്റ് അനിജാ വിജു, കൈതാരം പൊക്കാളി പാടശേഖര സമിതി സെക്രട്ടറി ടി.കെ. വിജയൻ. കൃഷി അസിസ്റ്റന്റ് എസ്.കെ. ഷിനു, കർഷകർ, കർഷക തൊഴിലാളികൾ തുടങ്ങിയവർ പങ്കെടുത്തു.