കൊച്ചി​: ശബരിമല, മാളികപ്പുറം മേൽശാന്തി നിയമനങ്ങളി​ലെ ജാതിവിവേചനം തി​രുവി​താംകൂർ ദേവസ്വം ബോർഡ് അവസാനി​പ്പി​ക്കണമെന്ന് എസ്.എൻ.ഡി.പി യോഗത്തി​ന് കീഴി​ലുള്ള ശ്രീനാരായണ വൈദി​ക യോഗം കോഓർഡി​നേഷൻ കമ്മി​റ്റി​ ആവശ്യപ്പെട്ടു. മലയാളബ്രാഹ്മണരെന്ന ഇല്ലാത്ത വി​ഭാഗത്തി​ന്റെ പേരി​ൽ ഈ മേൽശാന്തി​ നി​യമനങ്ങൾ മാറ്റി​വയ്ക്കുന്നത് ഭരണഘടനാ ലംഘനമാണ്. സാംസ്കാരി​ക കേരളത്തി​ന് തന്നെ അപമാനമായ ഈ വ്യവസ്ഥ എത്രയും വേഗം ഒഴി​വാക്കാൻ സംസ്ഥാന സർക്കാർ ഇടപെടണമെന്നും യോഗം ആവശ്യപ്പെട്ടു.

ചെയർമാൻ വൈപ്പിൻ സനീഷ് ശാന്തിയുടെ അദ്ധ്യക്ഷതയിൽ ചേർന്ന യോഗത്തിൽ സംസ്ഥാന വൈസ് പ്രസിഡന്റ് ജോഷി ശാന്തി കാക്കനാട്, ജോയിന്റ് സെക്രട്ടറിമാരായ ശ്രീകുമാർ ശാന്തി, വടുതല സന്തോഷ് ശാന്തി, ജില്ലാ കൺവീനർ ഇടവൂർ ഷിബു ശാന്തി തുടങ്ങി​യവർ സംസാരി​ച്ചു.