കൊച്ചി: വനംമന്ത്രി എ.കെ. ശശീന്ദ്രന്റെ രാജി ആവശ്യപ്പെട്ട് യൂത്ത് കോൺഗ്രസ് കണയന്നൂർ താലൂക്ക് ഓഫീസിലേക്ക് മാർച്ച് നടത്തി. പൂവൻകോഴിയുമായെത്തിയ പ്രവർത്തകർ മന്ത്രിയുടെ കോലത്തിൽ കരിയോയിൽ ഒഴിച്ചു പ്രതിഷേധിച്ചു.

ജില്ലാ പ്രസിഡന്റ് ടിറ്റോ ആന്റണി അദ്ധ്യഷത വഹിച്ചു. സംസ്ഥാന സെക്രട്ടറി സെക്രട്ടറി ജീൻഷാദ് ജിന്നാസ് ഉദ്ഘാടനം ചെയ്തു. സംസ്ഥാന ഭാരവാഹികളായ ജിന്റോ ജോൺ, പ്രസൂൺ മുരളി, ജില്ല ജനറൽ സെക്രട്ടറിമാരായ സനൽ അവരാച്ചൻ, അബ്ദുൾ റഷീദ്, വി.എസ്. ശ്യാം, ഷംസു തലക്കോട്ടിൽ, ബ്ലോക്ക് പ്രസിഡന്റുമാരായ പി.എച്ച്. അനൂപ്, സിജോ ജോസഫ്, ഷെബിൻ ജോർജ്, അമിത്ത് കെ.എസ്, സുജിത്ത് പി.എസ്., വിവേക് ഹരിദാസ് തുടങ്ങിയവർ പങ്കെടുത്തു.