പെരുമ്പാവൂർ: കൊവിഡ് മൂലം മരണം സംഭവിച്ച ചുമട്ട് തൊഴിലാളികളുടെ കുടുംബത്തിന് അഞ്ച് ലക്ഷം രൂപ ധനസഹായം നൽകുക, തൊഴിലാളികളെ കാറ്റഗറി തിരിക്കാതെ മുഴുവൻ തൊഴിലാളികൾക്കും മിനിമം പെൻഷൻ 5000 രൂപയായി ഏകീകരിക്കുക, തൊഴിലാളികളുടെ ആനുകുല്യ വിതരണത്തിന് കാലതാമസം ഒഴിവാക്കുക തുടങ്ങിയ ആവശ്യങ്ങളുന്നയിച്ച് സംസ്ഥാന വ്യാപകമായി നടക്കുന്ന സമരത്തിന്റെ ഭാഗമായി എറണാകുളം ജില്ലാ ഹെഡ്‌ലോഡ് ആൻഡ് ജനറൽ വർക്കേഴ്‌സ് യൂണിയൻ (എ.ഐ.ടി.യു.സി ) പെരുമ്പാവൂർ മണ്ഡലം കമ്മിറ്റിയുടെ നേതൃത്വത്തിൽ ചുമട്ട് തൊഴിലാളി ക്ഷേമ ബോർഡ് ഓഫീസിനു മുന്നിൽ പ്രതിഷേധ ധർണ നടത്തി. ചുമട്ട് തൊഴിലാളി യൂണിയൻ ജില്ലാ പ്രസിഡന്റ് സി.വി.ശശി ഉദ്ഘാടനം ചെയ്തു എ.ഐ.ടി.യു.സി മണ്ഡലം സെക്രട്ടറി രാജേഷ് കാവുങ്കൽ അദ്ധ്യക്ഷത വഹിച്ചു.