പറവൂർ: ചേന്ദമംഗലം പഞ്ചായത്തിലെ ചെറിയ പഴമ്പിള്ളിത്തുരുത്തിൽ നിർമ്മിച്ച കെ. കരുണാകരൻ റോഡിന്റെ ഉദ്ഘാടനം പ്രതിപക്ഷ നേതാവ് വി.ഡി. സതീശൻ നിർവഹിച്ചു. ഗ്രാമപഞ്ചായത്ത് പ്രസിഡന്റ് ദിവ്യ ഉണ്ണികൃഷ്ണൻ അദ്ധ്യക്ഷത വഹിച്ചു. പഞ്ചായത്തംഗങ്ങളായ ഷൈബി തോമസ്, ശ്രീദേവി സുധീഷ്, പി.എ. ഹരിദാസ്, വാക്കോ കല്ലുങ്കൽ തുടങ്ങിയവർ പങ്കെടുത്തു. എം.എൽ.എയുടെ പ്രത്യേക വികസന ഫണ്ടിൽ നിന്നും 4.87 ലക്ഷം രൂപ ഉപയോഗിച്ചാണ് റോഡ് നിർമ്മിച്ചത്.