കൂത്താട്ടുകുളം: ശത്രുക്കളിൽ നിന്ന് രാജ്യത്തെ രക്ഷിച്ച് വിജയം വരിച്ച കാർഗിൽ വിജയദിനത്തിന്റെ ഓർമ്മകൾ പുതുക്കി 'കാർഗിൽ ജംഗ്ഷൻ' നിവാസികൾ. കൂത്താട്ടുകുളം നഗരസഭയിലെ പന്ത്രണ്ടാം വാർഡിൽ ഉഴവൂർ - പാല റൂട്ടിനിടക്കാണ് കാർഗിൽ ജംഗ്ഷൻ സ്ഥിതി ചെയ്യുന്നത്. പ്രദേശത്തെ നാട്ടുകാർ ഒത്തുകൂടിയാണ് ചടങ്ങുകൾ സംഘടിപ്പിച്ചത്. നഗരസഭ കൗൺസിലർ അഡ്വ.ബോബൻ വർഗ്ഗീസ് യോഗം ഉദ്ഘാടനം ചെയ്തു. ദീർഘകാലം സേനയിൽ സേവനമനുഷ്ടിച്ച ലെഫ്റ്റന്റ് കേണൽ മേരി തോമസ് വലിയ കളപ്പുരയിൽ, ദീപാ ഭവനിൽ ഗോപാലകൃഷ്ണൻ എന്നിവരെ യോഗത്തിൽ ആദരിച്ചു. കാർഗിൽ യുദ്ധത്തിൽ വീരമൃത്യു വരിച്ച ജവാൻമാരെ സ്മരിച്ചു വിമലാക്ഷൻ പാറക്കുന്നേൽ വിജയദിന സന്ദേശം നൽകി. സി.പി.ഐ കൂത്താട്ടുകുളം ലോക്കൽ സെക്രട്ടറി എ.കെ.ദേവദാസ്, ബാബു പാറക്കുന്നേൽ, അജി കൊച്ചുകുന്നേൽ, ഉഷ വിമലാക്ഷൻ, പ്രതീഷ് സഹദേവൻ, ജീമോൻ വെച്ചൂട്ടിക്കൽ, റെജി, സന്തോഷ്, ഷൈനി ബാബു, ഓമന പുഷ്പൻ, സുരേഷ് വലിയപ്ലാക്കിൽ എന്നിവർ ചടങ്ങിൽ പങ്കെടുത്തു.