പെരുമ്പാവൂർ: കൂവപ്പടി ബ്ലോക്ക് പഞ്ചായത്ത് ലോക പ്രകൃതി സംരക്ഷണ ദിനാചരണം നടത്തി. ബ്ലോക്ക് പഞ്ചായത്ത് അതിർത്തിയിലെ ആറ് പഞ്ചായത്തുകളിലെ കർഷകർക്കായി 7000 കശുമാവിൻ തൈകൾ സൗജന്യമായി നൽകി. കശുമാവു കൃഷി വികസന ഏജൻസിയാണ് ഗ്രാഫ്റ്റ് ചെയ്ത മൂന്ന് വർഷം കൊണ്ട് വിളവെടുക്കാവുന്ന തൈകൾ എത്തിച്ചത്. ബ്ലോക്ക് പഞ്ചായത്ത് പ്രസിഡന്റ് ബേസിൽ പോൾ വിതരണോദ്ഘാടനം ചെയ്തു. വൈസ് പ്രസിഡന്റ് മോളിതോമസ് അദ്ധ്യക്ഷത വഹിച്ചു. സ്ഥിരം സമിതി അദ്ധ്യക്ഷന്മാരായ എൻ.എം. സലിം, സി.ജെ. ബാബു, അനു അബീഷ്, ബി.ഡി.ഒ. സാബീർ മുഹമ്മദ്, അംഗങ്ങളായ നാരായണൻ നായർ, എ.ടി. അജിത് കുമാർ, ലതാജ്ഞലി മുരുകൻ, ഡെയ്സി ജയിംസ്, ഷോജ റോയി, എം.കെ. രാജേഷ്, അംബിക മുരളിധരൻ, ബീന ഗോപിനാഥ്, ഫീൽഡ് ഓഫീസർ ശലിനി, ആസൂത്രണ സമിതി ഉപാദ്ധ്യക്ഷൻ എം.പി. പ്രകാശ്, ജോയിന്റ്. ബി.ഡി.ഒ. അരുൺ എന്നിവർ പങ്കെടുത്തു.