തൃക്കാക്കര: പട്ടിക ജാതി വിദ്യാർത്ഥികളുടെ പഠന നിലവാരം ഉയർത്തുന്നതിന്റെ ഭാഗമായി എറണാകുളം ജില്ലാ പഞ്ചായത്തിന്റെ സഹായത്തോടെ നടപ്പാക്കുന്ന 'വിജയഭേരി - പട്ടിക ജാതി വിദ്യാർത്ഥികൾക്ക് മേരിറ്റോരിയസ് സ്കോളർഷിപ് ' പദ്ധതി മുഖേന ധനസഹായത്തിന് അപേക്ഷ ക്ഷണിച്ചു. യോഗ്യത പരീക്ഷയിൽ 50% മാർക്കോടെ ബിരുദം, ബിരുദാനന്തര ബിരുദം, പ്രൊഫഷണൽ, ഗവേഷണ കോഴ്സുകൾക്ക് പ്രവേശനം ലഭിച്ചവർക്കാണ് ധനസഹായം. അപേക്ഷ ഓഗസ്റ്റ് 31 ന് മുൻപായി ബ്ലോക്ക്‌ പട്ടികജാതി വികസന ഓഫീസിൽ സമർപ്പിക്കണം. ഫോറം ജില്ലാ പട്ടികജാതി വികസന ഓഫീസിന്റെ ഫേസ്ബുക്ക് പേജിൽ നിന്നും ഡൗൺലോഡ് ചെയ്യാം. ഫോൺ : 0484 2422256