അങ്കമാലി: സാമ്പത്തിക പിന്നാക്കാവസ്ഥയിലുള്ള 3000 പേർക്ക് ഫെഡറൽ ബാങ്ക് സി എസ്.ആർ പദ്ധതിയുടെ ഭാഗമായി 22 ലക്ഷം രൂപ മുടക്കി സൗജന്യമായി കൊവിഡ് വാക്സിൻ നൽകും.മൂക്കന്നൂർ ഗ്രാമപഞ്ചായത്തിന്റെ സഹകരണത്തോടെ നടപ്പിലാക്കുന്ന പദ്ധതിയുടെ ഉദ്ഘാടനം ഫെഡറൽ ബാങ്ക് ഹോർമീസ് മെമ്മോറിയൽ ഫൗണ്ടേഷൻ ട്രസ്റ്റി രാജു ഹോർമിസ് നിർവഹിച്ചു. ഗ്രാമപഞ്ചായത്ത് പ്രസിഡന്റ് പോൾ പി.ജോസഫ് അദ്ധ്യക്ഷത വഹിച്ചു. ബാങ്ക് വൈസ് പ്രസിഡന്റും എറണാകുളം സോണൽ ഹെഡുമായ കുര്യാക്കോസ് കോണിൽ, സി.എസ്.ടി സുപ്പീരിയൽ ജനറൽ ബ്ര. വർഗീസ് മഞ്ഞളി, പി.വി. മോഹനൻ, ടി.പി. മത്തായി, ബ്ര. തോമസ് കരോണ്ടുകടവിൽ, പി.വി. ജോർജ് എന്നിവർ പ്രസംഗിച്ചു.

മൂക്കന്നൂർ എം.എ.ജി.ജെ ആശുപത്രിയിൽ വച്ചാണ് സൗജന്യ വാക്സിനേഷൻ ക്യാമ്പ് നടത്തുന്നത്.