കൊച്ചി: ജില്ലയിൽ കൊവിഡ് വ്യാപനം വർദ്ധിക്കുന്നതിനിടെ സുരക്ഷാ മുന്നൊരുക്കങ്ങളുമായി എറണാകുളം മാർക്കറ്റ്. ഇതിന്റെ ഭാഗമായി കഴിഞ്ഞ ദിവസം മാർക്കറ്റ് സ്റ്റാൾ ഓണേഴ്‌സ് അസോസിയേഷന്റെ നേതൃത്വത്തിൽ കൊവിഡ് പരിശോധന ക്യാമ്പ് നടത്തി. 225 പേരെ ആന്റിജൻ പരിശോധനയ്ക്ക് വിധേയരാക്കി. ഒരു അന്യസംസ്ഥാന തൊഴിലാളി പോസിറ്റീവായി. ഇദ്ദേഹത്തിനും സമ്പർക്കത്തിൽ വന്നവർക്കും ക്വാറന്റൈൻ സൗകര്യം ഒരുക്കി. ഡോ.ശ്രീപ്രിയ ക്യാമ്പ് ഉദ്ഘാടനം ചെയ്തു. അസോസിയേഷൻ പ്രസിഡന്റ് സി.ജെ.ജോർജ്,ഭാരവാഹികളായ കെ.എ.നൗഷാദ്, കെ.എച്ച്.ഹക്കിം, കെ.കെ.അഷ്‌റഫ് എന്നിവർ സംസാരിച്ചു.