പറവൂർ: എസ്.സി, എസ്.ടി ഫണ്ട് തിരിമറി ഉന്നതതല അന്വേഷണം നടത്തുക, ലംപ്സംഗ്രാന്റ് ആയിരം രൂപയാക്കുക, എല്ലാ പഞ്ചായത്തുകളിലും പൊതുശശ്മാനം നിർമ്മിക്കുക, എസ്.സി, എസ്.ടി ഫണ്ട് യഥാസമയം വിനിയോഗിക്കുക, കോളനികളിലെ അടിസ്ഥാനസൗകര്യം വ‌‌‌ർദ്ധിപ്പിക്കുക എന്നീ ആവശ്യങ്ങൾ ഉന്നയിച്ചുള്ള ഹിന്ദുഐക്യവേദി പറവൂർ താലൂക്ക് കമ്മിറ്റി പന്തംകൊളുത്തി സായാഹ്നധർണ നടത്തി. കെ.പി.എം.എസ് ആലങ്ങാട് യൂണിയൻ സെക്രട്ടറി ടി.സി. വിജയൻ ഉദ്ഘാടനം ചെയ്തു. സംസ്ഥാന ജനറൽ സെക്രട്ടറി ആർ.വി. ബാബു മുഖ്യപ്രഭാഷണം നടത്തി. എം.സി. സാബുശാന്തി, എം.കെ. സജീവ്, കെ.എസ്. ശിവദാസ്, പ്രകാശൻ തുണ്ടത്തുംകടവിൽ, ഷിബു കെ. ബാബു തുടങ്ങിയവർ സംസാരിച്ചു.