ബാലരാമപുരം: മറ്റു സംസ്ഥാനങ്ങളി​ൽ കൊവി​ഡ് മരണക്കണക്ക് സത്യസന്ധമായി​ പുറത്തുവി​ട്ടപ്പോൾ കേരളത്തിൽ അത് മറച്ചുവച്ചതാണ് കൊവി​ഡ് രോഗം കുറയാതി​രി​ക്കുന്നതി​ന് കാരണമെന്ന് സി​.എം.പി ബാലരാമപുരം ജംഗ്ഷനി​ൽ നടത്തി​യ സായാഹ്ന ധർണ ഉദ്ഘാടനം ചെയ്തുകൊണ്ട് അഡ്വ. എം. വി​ൻസെന്റ് എം.എൽ.എ പറഞ്ഞു.

കൊവി​ഡ് കാരണം മരണപ്പെട്ടവരുടെ കുടുംബങ്ങൾക്ക് 10 ലക്ഷം രൂപ നഷ്ടപരി​ഹാരം നൽകണമെന്ന് ധർണ ഗവൺ​മെന്റി​നോട് ആവശ്യപ്പെട്ടു. വാക്സി​ൻ എല്ലാവർക്കും നൽകാൻ പോലും കഴി​യാത്ത മോദി​ സർക്കാർ രാജി​വയ്ക്കണമെന്ന് വി​ൻസെന്റ് എം.എൽ.എ പറഞ്ഞു. സി​.എം.പി​ ജി​ല്ലാ സെക്രട്ടറി​ എം.ആർ. മനോജ്, മുസ്ലീം ലീഗ് ജി​ല്ലാ വൈസ് പ്രസി​ഡന്റ് ബാലരാമപുരം എം.എ. കരീം, അഡ്വ. ശശി​ധരൻ നായർ, സി​.എം.പി​ നേതാവ് എം. നി​സ്താർ, നരുവാമൂട് ധർമ്മൻ, ജെ. ഹയറുന്നി​സ, എൻ.എസ്. ആമി​ന എന്നി​വർ സംസാരി​ച്ചു.