ഇടുക്കി: സംസ്ഥാന സർക്കാരിന്റെ നൂറുദിന പരിപാടിയുടെ ഭാഗമായി കേരള സംസ്ഥാന വനിതാ വികസന കോർപ്പറേഷൻ ലളിതമായ നടപടിക്രമത്തിലൂടെ അതിവേഗ വ്യക്തിഗത/ ഗ്രൂപ്പ് വായ്പകൾ നൽകുന്നു. നിശ്ചിത വരുമാന പരിയിലുള്ള 18 നും 55 നും മദ്ധ്യേ പ്രായമുള്ള തൊഴിൽരഹിതരായ സ്ത്രീകൾക്ക് അഞ്ചുവർഷ തിരിച്ചടവ് കാലാവധിയിൽ ആറ് ശതമാനം പലിശ നിരക്കിൽ ഉദ്യോഗസ്ഥ/വസ്തു ജാമ്യത്തിന്റെ അടിസ്ഥാനത്തിലാണ് വ്യക്തിഗത വായ്പ നൽകുന്നത്.www.kswdc.org എന്ന വെബ്‌സൈറ്റിൽ ലഭിക്കുന്ന വായ്പ അപേക്ഷ ഫോറം ബന്ധപ്പെട്ട എറണാകുളം മേഖല ഓഫീസിൽ സമർപ്പിക്കാം. കൂടാതെ മൈക്രോഫിനാൻസ് പദ്ധതിയിൽ കുടുംബശ്രീ സിഡിഎസിന് 3% 3.5% പലിശ നിരക്കിൽ 1.5 കോടി രൂപ വരെ വായ്പ അനുവദിക്കുന്നു. സിഡിഎസിനു കീഴിലുള്ള എസ്.എച്ച്.ജി കൾക്ക് പത്തുലക്ഷം രൂപ വരെയും ഹരിത കർമസേന/ ശുചീകരണ തൊഴിലാളികൾ യൂണിറ്റ് എന്നിവയ്ക്ക് ആറു ലക്ഷം രൂപ വരെയും വായ്പ ലഭ്യമാകും. അപേക്ഷകൾക്കും വിവരങ്ങൾക്കും എറണാകുളം മേഖല ഓഫീസുമായി ബന്ധപ്പെടുക. ഫോൺ: 0484 2984932, 9496015011