തൊടുപുഴ: അപകടത്തിൽ തളരാതെ ജീവിതത്തിലേക്ക് തിരിച്ചു വന്ന് പഠനം പൂർത്തിയാക്കിയ ഡോ.മരിയ ബിജുവിനെ ഡോക്ടേഴ്സ് ദിനത്തിൽ കെ. എസ്. യു ആദരിച്ചു. തൊടുപുഴ അൽ അസർ മെഡിക്കൽ കോളേജിൽ എം.ബി.ബി.എസ്സിന് രണ്ടാം വർഷ വിദ്യാർത്ഥിയായിരിക്കുമ്പോഴാണ് മരിയ അപകടത്തിൽപ്പെട്ടത്. തുണി വിരിച്ചിടുന്നതിനിടയിൽ കാൽ വഴുതി ഹോസ്റ്റലിന്റെ രണ്ടാം നിലയിൽ നിന്ന് താഴേക്ക് വീഴുകയായിരിന്നു. അപകടത്തിൽ ശരീരത്തിന് തളർച്ചയുണ്ടായി. ആറ് മാസത്തെ ആശുപത്രിവാസത്തിനു ശേഷം മരിയ വീണ്ടും കോളേജിലേക്ക് തിരിച്ചെത്തി. ആറ് മാസം മുമ്പ് ഈ എം.ബി.ബി.എസ് പാസ്സായി അൽ അസർ മെഡിക്കൽ കോളേജിൽ സേവനം അനുഷ്ഠിക്കുകയാണ് . ആദരിക്കൽ ചടങ്ങിൽ കെ.എസ്.യു ജില്ലാ പ്രസിഡന്റ് ടോണി തോമസ് അദ്ധ്യക്ഷത വഹിച്ചു. കോൺഗ്രസ് ബ്ലോക്ക് പ്രസിഡന്റ് ജാഫർഖാൻ മുഹമ്മദ് മൊമന്റൊ കൈമാറി ഡോക്ട്‌ടേഴ്‌സ് ദിനാചരണം ഉദ്ഘാടനം ചെയ്തു. കോൺഗ്രസ് മണ്ഡലം പ്രസിഡന്റ് അഡ്വ: സെബാസ്റ്റ്യൻ മാത്യു, കെ.എസ്.യു ജില്ലാ സെക്രട്ടറിമാരായ ജോസുകുട്ടി ജോസഫ്, സി.എസ് വിഷ്ണുദേവ് എന്നിവർ ആശംസകളർപ്പിച്ചു. നേതാക്കളായ ഫസ്സൽ അബ്ബാസ്, ക്ലമന്റ് ജോസഫ് എന്നിവർ നേതൃത്വം നൽകി.