തൊടുപുഴ: റസ്റ്റോറന്റുകളിൽ കൊവിഡ് മാനഡണ്ഡങ്ങൾ പാലിച്ചുകൊണ്ട് ഇരുത്തി ഭക്ഷണം നൽകാനുള്ള അനുമതി തുടങ്ങി ഭക്ഷണ വിതരണ മേഖലയിലുള്ള ഹോട്ടൽ റസ്റ്റോറന്റ്, ബേക്കറി, റ്റീ ഷോപ്പ്, ലോഡ്ജ്, റിസോർട്ട് തുടങ്ങിയവരുടെ അടിയന്തര ആവശ്യങ്ങൾ ഉന്നയിച്ചുകൊണ്ട് സംസ്ഥാനത്തെ മുഴുവൻ എം. എൽ. എ മാർക്കും കേരള ഹോട്ടൽ ആന്റ് റസ്റ്റോറന്റ് അസ്സോസിയേഷൻ നിവേദനം നൽകി. ഇതിന്റെ ഭാഗമായി ജില്ലയിൽ മുഴുവൻഎം. എൽ. എമാർക്കും അതാത് പ്രദേശത്തെകെ. എച്ച്. ആർ. എ ഭാരവാഹികൾ നേരിൽ കണ്ട് നിവേദനം നൽകി.
കൊവിഡ് ആരംഭിച്ചതിനുശേഷമുള്ള പ്രതിസന്ധികൾ തരണം ചെയ്യാൻ സർക്കാർ പല ഉത്തേജന പാക്കേജുകളും പ്രഖ്യാപിച്ചുവെങ്കിലും നിർഭാഗ്യവശാൽ ഹോട്ടൽ റസ്റ്റോറന്റ് , ബേക്കറി, ലോഡ്ജ് മേഖലയ്ക്ക് പ്രത്യക്ഷമായി ആനുകുല്യങ്ങളൊന്നും ലഭിച്ചില്ല. മറ്റു വ്യാപാരസ്ഥാപനങ്ങൾ തുറന്നു പ്രവർത്തിക്കുമ്പോൾ സംസ്ഥാനത്തെ ബഹുഭൂരിപക്ഷം ഭക്ഷണശാലകൾ തുറക്കാൻ കഴിയാതെയും അവയെ ആശ്രയിച്ച് കഴിയുന്ന ലക്ഷക്കണക്കിന് തൊഴിലാളികൾക്ക് തൊഴിലില്ലാത്ത സ്ഥിതിയാണുള്ളതെന്നും നിവേദനത്തിൽ പറഞ്ഞു. .