തൊടുപുഴ: 18 വയസ്സു മുതൽ44 വയസ്സ് പ്രായപരിധിയിൽ വാക്സിൻ എടുക്കുന്നതിനായി ശ്രമം നടത്തുന്നവർക്ക് ലഭിക്കാത്ത അവസ്ഥയാണ് എങ്ങും.എല്ലാ ദിവസവും ഉച്ച കഴിഞ്ഞ് 3 മണി മുതൽ വാക്സിൻ എടുക്കുന്നതിനായി ആളുകൾ ഓൺലൈനിൽ സജീവമാണ്.18-44 വയസ്സിനിടയിൽ പ്രായപരിധിയിൽപ്പെട്ട ആളുകൾ ബുക്ക് ചെയ്യാൻ ശ്രമം നടത്തുമ്പോഴാണ് ഈ വിഭാഗക്കാർക്ക് വാക്സിൻ ലഭ്യമല്ല എന്ന് മനസ്സിലാക്കുന്നത്.18-44 വരെ പ്രായമുള്ളവർക്കുള്ള സ്ലോട്ടിൽ ബുക്ക് ചെയ്യാൻ ശ്രമം നടത്തുമ്പോൾ എഴുതി കാണിക്കുന്ന സന്ദേശത്തിൽ ഏറ്റവും കുറഞ്ഞ പ്രായപരിധി 45 വയസ്സാണ്. 18 -44നും ഇടയിലുള്ളവർക്ക് വാക്സിൻ ലഭ്യമായി തുടങ്ങിയിട്ടില്ല എന്നതാണ് യഥാർത്ഥ്യം.മുൻഗണനാ വിഭാഗത്തിൽ ഉൾപ്പെടുന്നവർക്ക് മാത്രമാണ് ഈ വിഭാഗത്തിൽ വാക്സിൻ ലഭ്യമാകുകയുള്ളൂ എന്നത് ആർക്കും അറിയില്ല എന്നതാണ് വാസ്തവം.ഇത് സംബന്ധിച്ച് അധികാരികൾ ജനത്തിന് വിവരം നൽകിയിട്ടുമില്ല. ഇതുമൂലം വാക്സിൻ ബുക്ക് ചെയ്യാൻ ശ്രമിക്കുന്നവരുടെ സമയം നഷ്ടപ്പെടുക മാത്രമേ ചെയ്യുകയുള്ളു.18 -44ന് ഇടയിലുള്ള സാധാരണ വിഭാഗത്തിൽപെട്ടവർക്ക് വാക്സിനേഷൻ ആരംഭിച്ചിട്ടില്ല എന്ന കാര്യം പൊതു ജനത്തെ അറിയിച്ചാൽ സാധാരണക്കാരന്റെ സമയവും നെറ്റ് റീച്ചാർജ് ചെയ്യുന്ന പണവും കോവിഡ് കാലത്തുള്ള കഷ്ടപ്പാടും ഇല്ലാതാകും.