തൊടുപുഴ: കഴിഞ്ഞ ഒരാഴ്ചയിലെ ശരാശരി രോഗ സ്ഥിരീകരണ നിരക്കിന്റെ (ടി.പി.ആർ) അടിസ്ഥാനത്തിൽ ഇനിയുള്ള ഏഴ് ദിവസം ജില്ലയിലെ 12 തദ്ദേശസ്ഥാപനങ്ങൾക്ക് പൂർണ ഇളവുകളും 27 തദ്ദേശസ്ഥാപനങ്ങൾക്ക് ഭാഗിക ഇളവുകളും ലഭിക്കും. ഇടവെട്ടി, കുമളി, മരിയാപുരം പഞ്ചായത്തുകളിൽ സമ്പൂർണ ലോക്ക് ഡൗണായിരിക്കും. ജില്ലയിൽ എ വിഭാഗത്തിൽ- 12 , ബിയിൽ- 27 , സിയിൽ- 12, ഡി യിൽ- 3 എന്നിങ്ങനെ തദ്ദേശ സ്ഥാപനങ്ങളാണ് ഒടുവിൽ കണക്കാക്കിയ ടി.പി.ആർ പ്രകാരം ഉൾപ്പെടുക. ഈ മാസം 14 വരെയാണ് ഈ രീതി. ഈ ആഴ്ച മുതൽ ടി.പി.ആർ അഞ്ചിൽ താഴെയുള്ള പ്രദേശങ്ങൾ എ വിഭാഗത്തിലും അഞ്ചു മുതൽ 10 വരെയുള്ള പ്രദേശങ്ങൾ ബിയിലും 10 മുതൽ 15 വരെയുള്ളവ സി വിഭാഗത്തിലുമാണ് ഉൾപ്പെട്ടിരിക്കുന്നത്. 15 ന് മുകളിൽ ടി.പി.ആർ ഉള്ള പ്രദേശങ്ങൾ കാറ്റഗറി ഡിയിൽ ആയിരിക്കും. എ, ബി വിഭാഗത്തിൽ ഉൾപ്പെടുന്ന പ്രദേശങ്ങളിലെ സർക്കാർ ആഫീസുകൾ മുഴുവൻ ജീവനക്കാരെയും സിയിലെ സർക്കാർ ആഫീസുകൾ 50 ശതമാനം ജീവനക്കാരെയും ഉൾക്കൊള്ളിച്ച് പ്രവർത്തിക്കും. എ, ബി എന്നീ വിഭാഗങ്ങളിൽ ഉൾപ്പെടുന്ന പ്രദേശങ്ങളിൽ റസ്റ്റോറന്റുകൾ, ഹോട്ടലുകൾ എന്നിവയ്ക്ക് ഹോം ഡെലിവറി, പാഴ്സൽ സംവിധാനത്തിൽ രാത്രി 9.30 വരെ പ്രവർത്തിക്കാം. ഇൻഡോർ ഗെയ്മുകൾക്കും ജിമ്മുകൾക്കും എ.സി ഒഴിവാക്കി പ്രവർത്തിക്കാം. മാനദണ്ഡങ്ങളനുസരിച്ച് വിനോദ സഞ്ചാര മേഖലകളിലെ താമസ സൗകര്യങ്ങൾ തുറന്നു പ്രവർത്തിക്കാം.
വാക്‌സിൻ എടുത്തവർക്കും ആർ.ടി.പി.സി.ആർ നെഗറ്റീവ് സർട്ടിഫിക്കറ്റുമായി വരുന്നവർക്കുമായിരിക്കും പ്രവേശനം. എ, ബി, സി, ഡി വിഭാഗങ്ങളിൽ ഉൾപ്പെടുന്ന തദ്ദേശസ്ഥാപനങ്ങളുടെ പട്ടിക ചുവടെ ചേർക്കുന്നു (ബ്രാക്കറ്റിൽ ടി.പി.ആർ നിരക്കും).

വിഭാഗം എ (ടി.പി.ആർ അഞ്ചിൽ താഴെ)

മുട്ടം (4.75), ഉടുമ്പഞ്ചോല (4.47), രാജാക്കാട് (4.17), വണ്ടന്മേട് (4.07), കാന്തല്ലൂർ (3.60), കരിങ്കുന്നം (2.90), കഞ്ഞിക്കുഴി (2.36), വട്ടവട (2.08), ഇരട്ടയാർ (1.95), മാങ്കുളം (1.65), കാമാക്ഷി (0.81), ഇടമലക്കുടി (0)

വിഭാഗം ബി (ടി.പി.ആർ 5- 10ശതമാനം)

ശാന്തമ്പാറ (9.94), ദേവികുളം (9.78), അയ്യപ്പൻകോവിൽ (9.58), ആലക്കോട് (9.49), കുമാരമംഗലം (9.37), അറക്കുളം (9.24), പെരുവന്താനം (9.17), ബൈസൺവാലി (9.04), കരിമണ്ണൂർ (8.82), കുടയത്തൂർ (7.69), പാമ്പാടുംപാറ (7.69), തൊടുപുഴ (7.54), വണ്ണപ്പുറം (7.45), കൊന്നത്തടി (7.16), കരുണാപുരം (7.02), വണ്ടിപ്പെരിയാർ (6.76), പുറപ്പുഴ (6.74), മൂന്നാർ (6.16), ഉപ്പുതറ (5.91), രാജകുമാരി (5.86), ചിന്നക്കനാൽ (5.83), മണക്കാട് (5.80), കൊക്കയാർ (5.61), സേനാപതി (5.34), കോടിക്കുളം (5.14), പീരുമേട് (5.08), വാത്തിക്കുടി (5.08)

വിഭാഗം സി (ടി.പി.ആർ 10- 15ശതമാനം)

നെടുങ്കണ്ടം (14.94), അടിമാലി (14.15), ഉടുമ്പന്നൂർ (12.18), കാഞ്ചിയാർ (12.01), വെള്ളിയാമറ്റം (11.90), വാഴത്തോപ്പ് (11.53), ഏലപ്പാറ (11.04), പള്ളിവാസൽ (10.94), ചക്കുപള്ളം (10.92), വെള്ളത്തൂവൽ (10.38), കട്ടപ്പന (10.15), മറയൂർ (10.04)

വിഭാഗം ഡി (15ന് മുകളിൽ)
ഇടവെട്ടി (16.38), കുമളി (15.98), മരിയാപുരം (15.72)