ഇടുക്കി: മറ്റ് പെൻഷനുകൾ ഒന്നും ലഭിക്കാത്ത സംസ്ഥാനത്തെ വിശ്വകർമ്മ വിഭാഗത്തിൽ ഉൾപ്പെട്ട 60 വയസ്സ് പൂർത്തിയായ പരമ്പരാഗത തൊഴിലാളികൾക്ക് പിന്നാക്ക വിഭാഗ വികസന വകുപ്പ് പ്രതിമാസ പെൻഷൻ അനുവദിക്കുന്നു. തിരുവനന്തപുരം മുതൽ എറണാകുളം ജില്ല വരെയുളള പ്രദേശങ്ങളിലെ അപേക്ഷകർ നിശ്ചിത മാതൃകയിലുളള അപേക്ഷ ഫോറവും അനുബന്ധരേഖകളും ജൂലായ് 31നകം മേഖല ഡെപ്യൂട്ടി ഡയറക്ടർ, പിന്നാക്ക വിഭാഗ വികസന വകുപ്പ്, രണ്ടാം നില, സിവിൽസ്റ്റേഷൻ, കാക്കനാട്, എറണാകുളം682030 എന്ന വിലാസത്തിൽ ലഭ്യമാക്കണം. അപേക്ഷാഫോമും വിശദവിവരങ്ങളുംwww.bcdd.kerala.gov.in എന്ന വെബ്‌സൈറ്റിൽ ലഭിക്കും.