ഇടുക്കി :ജില്ലാ വികസന കമ്മീഷണറായി ഇടുക്കിക്കാരൻ അർജുൻ പാണ്ഡ്യൻ ഇന്ന് ചുമതല ഏൽക്കും. 2017 ബാച്ച് ഐ. എ. എസ് കാരനായ അദ്ദേഹം കണ്ണൂർ അസിസ്റ്റന്റ് കലക്ടറായാണ് ഔദ്യോഗിക ജീവിതം ആരംഭിക്കുന്നത്. തുടർന്ന് ഒക്ടോബർ 2019 മുതൽ മേയ് 2021 വരെ ഒറ്റപ്പാലം സബ്കലക്ടറായിരുന്നു. 2021 മെയ് 31 മുതൽ ജൂലായ് അഞ്ചു വരെ മാനന്തവാടി സബ് കളക്ടറായും സേവനം അനുഷ്ഠിച്ചശേഷമാണ് മാതൃ ജില്ലയായ ഇടുക്കിയിലെത്തുന്നത്. ഇടുക്കി ഏലപ്പാറ ബൊണാമി കുമരംപറമ്പിൽ പാണ്ഡ്യന്റെയും ഉഷയുടെയും മകനാണ്.