തൊടുപുഴ: ആറുവയസുകാരിയെ പീഡിപ്പിച്ച ശേഷം കെട്ടിത്തൂക്കി കൊലപ്പെടുത്തിയ കേസിലെ പ്രതി വണ്ടിപ്പെരിയാർ ചുരക്കുളം എസ്റ്റേറ്റിലെ അർജുൻ (22) നെ തൊടുപുഴ പോക്‌സോ കോടതി ഈ മാസം 13 വരെ പൊലിസ് കസ്റ്റഡിയിൽ വിട്ടു. 10 ദിവസത്തെ കസ്റ്റഡി അപേക്ഷയാണ് പൊലിസ് സമർപ്പിച്ചതെങ്കിലും 13 ന് വൈകിട്ട് 5 മണിവരെയാണ് പോക്‌സോ പ്രത്യേക കോടതി ജഡ്ജി നിക്‌സൺ എം ജോസഫ് കസ്റ്റഡി അനുവദിച്ചത്. പ്രോസിക്യൂഷനുവേണ്ടി സ്‌പെഷ്യൽ പബ്ലിക് പ്രോസിക്യൂട്ടർ അഡ്വ. പി.ബി. വാഹിദ ഹാജരായി