ഇടുക്കി: വിവിധ പ്രദേശങ്ങളിൽ നടന്നുവരുന്ന പൊലീസ് കാന്റീനുകൾ നിർത്തലാക്കരുതെന്ന് കേരള കോൺഗ്രസ് വർക്കിങ് ചെയർമാൻ പി സി തോമസ്. ആവശ്യപ്പെട്ടു.

സാധാരണക്കാർക്കു കൂടി പ്രയോജനപ്പെടുന്ന രീതിയിൽ നടന്നു വരുന്ന ഇത്തരം കാന്റീനുകൾ സാധാരണ ജനങ്ങൾക്ക് ഏറെ ഗുണകരമായ ജനകീയ പൊലീസ് കാന്റീനുകളായി മാറിയിട്ടുണ്ട്. കേരളത്തിലെ പല മേഖലകളിലും ഇതുപോലെ പൊലീസ് കാന്റീനുകൾ നടക്കുന്നുണ്ടെങ്കിലും ഇടുക്കി ജില്ലയിലാണ് മൊത്തമുള്ള 5 നിയോജകമണ്ഡലങ്ങളിലും വളരെ പ്രയോജനകരമായി ഇവ നടന്നു വരുന്നത്. ജില്ലയിലെ അടിമാലി, തൊടുപുഴ, കട്ടപ്പന, പീരുമേട്, നെടുങ്കണ്ടം,ഇടുക്കി, എന്നീ സ്ഥലങ്ങളിൽ നടക്കുന്ന പൊലീസ് കാന്റീനുകൾ നിർത്തലാക്കാൻ സംസ്ഥാന സർക്കാർ നടപടി സ്വീകരിക്കുന്നു എന്ന വാർത്ത സാധാരണക്കാരുടെ ഇടയിൽ വലിയ ആശങ്ക ഉയർത്തിയിട്ടുണ്ട്.ഇതു സംബന്ധിച്ച് മുഖ്യമന്ത്രിക്ക് പി. സി. തോമസ് കത്തയച്ചു.