ഇടുക്കി : ജില്ലാ ആയുർവേദ ആശുപത്രി (അനക്‌സ്) പാറേമാവിൽ ആശുപത്രി വികസന സമിതി മുഖേനയുളള സെക്യൂരിറ്റി, ഫുൾടൈം സ്വീപ്പർ (സ്ത്രീകൾ), കുക്ക് തസ്തികളിൽ ദിവസന വേതനാടിസ്ഥാനത്തിൽ പരമാവധി 179 ദിവസത്തേക്ക് താത്കാലിക നിയമനം നടത്തുന്നതിന് ജൂലായ് 21, 22 തീയതികളിൽ നടത്താൻ നിശ്ചയിച്ചിരുന്ന അഭിമുഖം പെരുന്നാൾ (ബക്രീദ്) പ്രമാണിച്ച് മാറ്റി. പുതുക്കിയ തിയതി പിന്നീട് ്അറിയിക്കും. പുതിയ അപേക്ഷകൾ പരിഗണിക്കുന്നതല്ല.

ജൂലായ് 19 ന് നടത്താൻ നിശ്ചയിച്ച ഫീമെയിൽ തെറാപ്പിസ്റ്റ്, എക്സറെ ടെക്‌നീഷ്യൻ തസ്തികകളിലെ അഭിമുഖത്തിന് മാറ്റമുണ്ടായിരിക്കില്ല. കേരള സർക്കാർ അംഗീകൃത കോഴ്‌സ് വിജയിച്ച സർട്ടിഫിക്കറ്റ് (പി.എസ്.സി അംഗീകൃതം) ഇല്ലാത്ത അപേക്ഷകർ അഭിമുഖത്തിൽ പങ്കെടുക്കേണ്ടതില്ല.