 23 തദ്ദേശസ്ഥാപനങ്ങൾക്ക് പൂർണ ഇളവ്

തൊടുപുഴ: കഴിഞ്ഞ ഒരാഴ്ചയിലെ ശരാശരി രോഗ സ്ഥിരീകരണ നിരക്കിന്റെ (ടി.പി.ആർ) അടിസ്ഥാനത്തിൽ ഇനിയുള്ള ഏഴ് ദിവസം ജില്ലയിലെ എട്ട് തദ്ദേശസ്ഥാപനങ്ങളിൽ ട്രിപ്പിൾ ലോക്ക് ഡൗണായിരിക്കും. ടി.പി.ആർ നിരക്ക് 15ന് മുകളിലുള്ള ഡി വിഭാഗത്തിൽപ്പെട്ട കാന്തല്ലൂർ, അറക്കുളം, നെടുങ്കണ്ടം, കുടയത്തൂർ, കോടിക്കുളം, കുമാരമംഗലം, കൊന്നത്തടി, ഉടുമ്പഞ്ചോല എന്നീ പഞ്ചായത്തുകളാണ് സമ്പൂർണമായും അടച്ചിടുക. കഴിഞ്ഞയാഴ്ച ഇത് നാല് പഞ്ചായത്തുകളായിരുന്നു. സി വിഭാഗത്തിൽപ്പെട്ട 11 തദ്ദേശസ്ഥാപനങ്ങൾ പൂർണമായും അടച്ചിടും. 12 തദ്ദേശസ്ഥാപനങ്ങൾക്ക് പൂർണ ഇളവുകളും 23 തദ്ദേശസ്ഥാപനങ്ങൾക്ക് ഭാഗിക ഇളവുകളും ലഭിക്കും. ഈ മാസം 28 വരെയാണ് ഈ രീതി. ടി.പി.ആർ അഞ്ചിൽ താഴെയുള്ള പ്രദേശങ്ങൾ എ വിഭാഗത്തിലും അഞ്ചു മുതൽ 10 വരെയുള്ള പ്രദേശങ്ങൾ ബിയിലും 10 മുതൽ 15 വരെയുള്ളവ സി വിഭാഗത്തിലുമാണ് ഉൾപ്പെട്ടിരിക്കുന്നത്. 15 ന് മുകളിൽ ടി.പി.ആർ ഉള്ള പ്രദേശങ്ങൾ കാറ്റഗറി ഡിയിൽ ആയിരിക്കും. എ, ബി, സി, ഡി വിഭാഗങ്ങളിൽ ഉൾപ്പെടുന്ന തദ്ദേശസ്ഥാപനങ്ങളുടെ പട്ടിക ചുവടെ ചേർക്കുന്നു.

വിഭാഗം എ (ടി.പി.ആർ അഞ്ചിൽ താഴെ)

കാമാക്ഷി, ചക്കുപള്ളം, മൂന്നാർ, ചിന്നക്കനാൽ, പെരുവന്താനം, രാജാക്കാട്, രാജകുമാരി, കൊക്കയാർ, വാഴത്തോപ്പ്, ശാന്തമ്പാറ, ഇടമലക്കുടി, വട്ടവട

വിഭാഗം ബി (ടി.പി.ആർ 5- 10 ശതമാനം)

തൊടുപുഴ, കുമളി, ഇരട്ടയാർ, ദേവികുളം, വെള്ലത്തൂവൽ, ഉടുമ്പന്നൂർ, ആലക്കോട്, മരിയാപുരം, മറയൂർ, ബൈസൺവാലി, മുട്ടം, മാങ്കുളം, കരിങ്കുന്നം, ഇടവെട്ടി, കരുണാപുരം, കാഞ്ചിയാർ, അയ്യപ്പൻകോവിൽ, പള്ളിവാസൽ, പാമ്പാടുംപാറ, പീരുമേട്, ഏലപ്പാറ, വണ്ടിപ്പെരിയാർ, വണ്ടന്മേട്

വിഭാഗം സി (ടി.പി.ആർ 10- 15 ശതമാനം)

കട്ടപ്പന, വണ്ണപ്പുറം, മണക്കാട്, കഞ്ഞിക്കുഴി, വെള്ളിയാമറ്റം, സേനാപതി, കരിമണ്ണൂർ, പുറപ്പുഴ, വാത്തിക്കുടി, അടിമാലി, ഉപ്പുതറ

വിഭാഗം ഡി (15ന് മുകളിൽ)

കാന്തല്ലൂർ, അറക്കുളം, നെടുങ്കണ്ടം, കുടയത്തൂർ, കോടിക്കുളം, കുമാരമംഗലം, കൊന്നത്തടി, ഉടുമ്പഞ്ചോല