തലശ്ശേരി: ഇന്ത്യൻ കൗൺസിൽ ഓഫ് മെഡിക്കൽ റിസർച്ച് അംഗീകാരം നൽകിയതും പ്രാരംഭ പഠനങ്ങൾ വിജയകരമായി പൂർത്തീകരിച്ചതുമായ പുതിയതരം കൊവിഡ് വാക്സിൻ എത്രത്തോളം ഉപകാരപ്രദമാണെന്ന് കണ്ടു പിടിക്കാനുള്ള ക്ലിനിക്കൽ ട്രയൽ നടത്താനുള്ള അംഗീകാരം മലബാർ കാൻസർ സെന്ററിന് ലഭിച്ചു. ബയോടെക്നോളജി ഇൻഡസ്ട്രി റിസർച്ച് അസിസ്റ്റൻസ് കൗൺസിലിന്റെ മേൽനോട്ടത്തിൽ നടക്കുന്ന വാക്സിൻ ക്ലിനിക്കൽ ട്രയലിൽ 12 വയസിനു മുകളിലുള്ള ഇതുവരെ വാക്സിൻ എടുക്കാത്തവരും കൊവിഡ് രോഗം പിടിപെടാത്തവരുമായ രണ്ടായിരത്തോളം വളണ്ടിയർമാരെയാണ് ആവശ്യമുള്ളത്. ഫോൺ 04902399245, 04902399499 നമ്പറുകളിൽ രാവിലെ 10 മണി മുതൽ വൈകുന്നേരം 4.00 മണി വരെ വിളിക്കാം.