കണ്ണൂർ: സാമൂഹീകമായും സാമ്പത്തികമായും പിന്നോക്കം നിൽക്കുന്ന കുട്ടികൾക്ക് ഡിജിറ്റൽ പഠനോപകരണങ്ങൾ ലഭ്യമാക്കുന്നതിനായി കേരള എൻ.ജി.ഒ യൂണിയൻ കണ്ണൂർ ജില്ലയിലെ ജീവനക്കാരിൽ നിന്നും സമാഹരിച്ച ടാബുകൾ തദ്ദേശ സ്വയം ഭരണ എക്‌സൈസ് വകുപ്പ് മന്ത്രി എം.വി ഗോവിന്ദൻ മാസ്റ്റർ വിദ്യാഭ്യാസ ഉപഡയരക്ടർ മനോജ് മണിയൂരിന് കൈമാറി . 56 ലക്ഷം രൂപ വിലവരുന്ന 420 ടാബുകളാണ് കൈമാറിയത്. യൂണിയൻ ജില്ലാ പ്രസിഡന്റ്് കെ.വി മനോജ് കുമാർ അദ്ധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ്് പി.പി. ദിവ്യ എൻ.ജി.ഒ യൂണിയൻ സംസ്ഥാന വൈസ് പ്രസിഡന്റ് എം.വി ശശിധരൻ എന്നിവർ സംസാരിച്ചു. ജില്ലാ സെക്രട്ടറി എ. രതീശൻ സ്വാഗതവും ജില്ലാ ജോയിന്റ് സെക്രട്ടറി എൻ. സുരേന്ദ്രൻ നന്ദിയും പറഞ്ഞു