കോഴിക്കോട്: പെരുവയൽ ഗ്രാമപഞ്ചായത്തിലെ കുടുംബശ്രി അയൽക്കൂട്ടങ്ങൾ മുഖ്യമന്ത്രിയുടെ ദുരിതാശ്വാസനിധിയിലേക്ക് 40,040 രൂപ സംഭാവന നൽകി. കൊവിഡ് പശ്ചാത്തലത്തിൽ സി.ഡി.എസ് നേതൃത്വത്തിലാണ് 22 വാർഡുകളിലെ അയൽക്കൂട്ട അംഗങ്ങൾ തുക സ്വരൂപിച്ചത്. ഗ്രാമപഞ്ചായത്ത് പ്രസിഡന്റ് എം.കെ.സുഹറാബിയിൽ നിന്ന് പി.ടി.എ റഹീം എം.എൽ.എ തുകയുടെ ചെക്ക് ഏറ്റുവാങ്ങി.

പഞ്ചായത്ത് വൈസ് പ്രസിഡന്റ് അനീഷ് പാലാട്ട്, മെമ്പർമാരായ പി.അനിത, എ.പി.റീന, സുസ്മിത വിത്താരത്ത്, കെ.അബ്ദു റഹിമാൻ, പി.സഹീദത്ത്, അസി.സെക്രട്ടറി ആർ.നിശാന്ത്, സി.ഡി.എസ് ചെയർപേഴ്ൺ ടി.കെ.റീന തുടങ്ങിയവർ പങ്കെടുത്തു