ചാത്തമംഗലം: പ്രമുഖ സോഷ്യലിസ്റ്റും എൽ.ജെ.ഡി മുൻ ജില്ലാ കമ്മിറ്റി അംഗവുമായ കൽപ്പള്ളി മീത്തൽ കെ.എം. ഉണ്ണീരി (94) നിര്യാതനായി. ചാത്തമംഗലം ഗ്രാമപഞ്ചായത്ത് അംഗം, കുന്ദമംഗലം ബി.ഡി.സി അംഗം, ചാത്തമംഗലം ക്ഷീരോത്പാദക സഹകരണ സംഘം ഡയറക്ടർ, ചാത്തമംഗലം ഫാർമേഴ്‌സ് ആൻഡ് അഗ്രികൾച്ചറിസ്റ്റ്സ് വെൽഫെയർ കോ ഓപ്പറേറ്റിവ് സൊസൈറ്റി പ്രമോട്ടിംഗ് കമ്മിറ്റി അംഗം എന്നീ നിലകളിൽ പ്രവർത്തിച്ചിട്ടുണ്ട്.

സോഷ്യലിസ്റ്റ് പാർട്ടി. ജനത പാർട്ടി, ജനതാദൾ എന്നിവയുടെ കുന്ദമംഗലം നിയോജകമണ്ഡലം സെക്രട്ടറിയായും ജില്ലാ കമ്മിറ്റി അംഗമായും പ്രവർത്തിച്ചു. നിർമ്മാണ തൊഴിലാളി യൂണിയൻ, എച്ച്.എം.എസ് എന്നീ സംഘടനകളുടെ ജില്ലാ ഭാരവാഹിയായിരുന്നു.

അവിവാഹിതനാണ്. സഹോദരങ്ങൾ: കല്യാണി, പരേതരായ തിരുമാല, അമ്മുണ്ണി, പെണ്ണുട്ടി, കുഞ്ഞിചോയിച്ചി, കുട്ടിപ്പെണ്ണ്.