കോഴിക്കോട്​: ബൈക്കപകടത്തിൽ പരിക്കേറ്റ്​ ചികിത്സയിലായിരുന്ന ഡി.സി.സി ജനറൽ സെക്രട്ടറിയും കോഴിക്കോട്​ കോർപ്പറേഷൻ മുൻ കൗൺസിലറുമായ പി.വി.അബ്ദുൽ കബീർ (60) മരിച്ചു.

മൃതദേഹം ഇന്ന് ഉച്ചയ്ക്ക് 12 മണി മുതൽ 12.30 വരെ ഡി.സി.സി ഓഫീസിൽ പൊതുദർശനത്തിന് വെക്കും. ഖബറടക്കം രണ്ടിന് പാലാഴി പള്ളി ഖബർസ്ഥാനിൽ നടക്കും.

ബുധനാഴ്​ച ഉച്ചയ്ക്ക്​ ടാഗോർ സെൻറിനറി ഹാളിനു മുന്നിൽ ബൈക്കുകൾ കൂട്ടിയിടിച്ചായിരുന്നു അപകടം. ബൈക്കിന്​ പിൻസീറ്റിലായിരുന്നു അബ്​ദുൽ കബീർ. വണ്ടിയോടിച്ച കാട്ടുകുളങ്ങര സ്വദേശി നൗഷാദ്​ മെഡിക്കൽ കോളേജ്​ ആശുപത്രിയിൽ ചികിത്സയിലാണ്​.

ഷമീനയാണ്​ കബീറി​ന്റെ ഭാര്യ. മകൾ: ഫാത്തിമ ഹെന്ന. മാതാവ്​: കോഴിക്കോടൻ വീട്ടിൽ അയിഷാബി.

സഹോദരങ്ങൾ​: മുൻ കൗൺസിലർ സക്കറിയ പി.ഹുസൈൻ, തസ്‌തകീർ, നിസാർ, നൗഷാദ്, ഷമീർ, കമർബാനു, നജുമ, ഷഫിയ, ഷാഹിദ, ജംഷിദ.