കൽപ്പറ്റ: ജില്ലയിൽ ഇന്നലെ കൊവിഡ് സ്ഥിരീകരിച്ചത് 247 പേർക്ക്. 7.20 ശതമാനമാണ് ടെസ്റ്റ് പോസിറ്റിവിറ്റി നിരക്ക്.

242 പേർക്ക് സമ്പർക്കത്തിലൂടെയാണ് രോഗബാധ. 8 ആരോഗ്യ പ്രവർത്തർക്കും രോഗം ബാധിച്ചു. തമിഴ്നാട്ടിൽ നിന്നെത്തിയ 5 പേർക്ക് പോസിറ്റിവായി. ഇന്നലെ 426 പേർ രോഗമുക്തി നേടി.

നിലവിൽ 4230 പേരാണ് ജില്ലയിൽ ചികിത്സയിലുള്ളതെന്ന് ഡി.എം.ഒ ഡോ.ആർ.രേണുക പറഞ്ഞു. ഇവരിൽ 3079 പേർ വീടുകളിലാണ് ഐസൊലേഷനിൽ കഴിയുന്നത്. ഇതുവരെ കൊവിഡ് സ്ഥിരീകരിച്ചവരുടെ എണ്ണം 71,488 ആയി. ആകെ 66,729 പേരാണ് രോഗമുക്തരായത്.

 സമ്പർക്കം

സുൽത്താൻ ബത്തേരി 69, മീനങ്ങാടി 24, നെന്മേനി 22, മാനന്തവാടി 18, കോട്ടത്തറ, തരിയോട് 11 വീതം, കൽപ്പറ്റ, തവിഞ്ഞാൽ 10 വീതം, വെങ്ങപ്പള്ളി 8, മുട്ടിൽ, നൂൽപ്പുഴ, വൈത്തിരി 7 വീതം, പുൽപള്ളി, തിരുനെല്ലി 6 വീതം, അമ്പലവയൽ, എടവക, മേപ്പാടി 5 വീതം, മുള്ളൻകൊല്ലി 4, പടിഞ്ഞാറത്തറ 3, കണിയാമ്പറ്റ 2, പനമരം, വെള്ളമുണ്ട 1 വീതം.

 നിരീക്ഷണത്തിൽ 1221 പേർ

ഇന്നലെ നിരീക്ഷണത്തിലായത് 1221 പേരാണ്. ഇവരിൽ 83 പേർ ആശുപത്രിയിലാണ്. 963 പേർ നിരീക്ഷണകാലം പൂർത്തിയാക്കി. നിലവിൽ നിരീക്ഷണത്തിലുള്ളത് 14,007 പേർ.കഴിഞ്ഞ 24 മണിക്കൂറിനിടെ ജില്ലയിൽ നിന്ന് 610 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ മൊത്തം അയച്ചത് 5,57,766 സാമ്പിളുകളാണ്. ഇതിൽ 5,24,736 എണ്ണത്തിന്റെ ഫലം ലഭിച്ചു. 4,53,248 പേർ നെഗറ്റീവും 71,488 പേർ പോസിറ്റീവുമാണ്.