കട്ടപ്പന: എസ്.എൻ.ഡി.പി. യോഗം മലനാട് യൂണിയൻ യൂത്ത് മൂവ്‌മെന്റിന്റെ നേതൃത്വത്തിൽ മഹാ രക്തദാന കാമ്പയിൻ ഇന്നാരംഭിക്കും. രാവിലെ 10ന് ഇടുക്കി മെഡിക്കൽ കോളജ് ആശുപത്രിയിൽ യൂണിയൻ യൂത്ത് മൂവ്‌മെന്റ് ഭാരവാഹികൾ രക്തദാനം നടത്തും. മലനാട് യൂണിയൻ പ്രസിഡന്റ് ബിജു മാധവൻ ഉദ്ഘാടനം ചെയ്യും. സെക്രട്ടറി വിനോദ് ഉത്തമൻ, യൂത്ത് മൂവ്‌മെന്റ് കേന്ദ്രസമിതി ചെയർമാൻ സന്ദീപ് പച്ചയിൽ, ജില്ലാ ചെയർമാൻ പ്രവീൺ വട്ടമല, യൂത്ത് മൂവ്‌മെന്റ് യൂണിയൻ സെക്രട്ടറി ദിലീപ്കുമാർ, വൈസ് പ്രസിഡന്റുമാരായ സുബീഷ് ശാന്തി, ഹരീഷ് ആലംപള്ളി, ജില്ലാ ജോയിന്റ് സെക്രട്ടറി വിശാഖ് തുളസിപ്പാറ, എസ്.എൻ. ക്ലബ് പ്രസിഡന്റ് ബിനീഷ് കെ.പി, സെക്രട്ടറി സജീഷ്‌കുമാർ, സൈബർ സേന ഭാരവാഹികളായ അരുൺകുമാർ, അരവിന്ദ് കൂട്ടാർ, അമൽ തൊപ്പിപ്പാള തുടങ്ങിയവർ പ്രസംഗിക്കും.
യൂണിയന് കീഴിലെ 38 ശാഖകളിലെ ആയിരം യുവാക്കൾ വിവിധ ഘട്ടങ്ങളിലായി രക്തദാനം നടത്തും. മാസത്തിൽ 2 തവണയായി വിവിധ ശാഖാ യോഗങ്ങളിൽ നിന്നുള്ള യുവജനങ്ങൾ കാമ്പയിനിൽ പങ്കെടുക്കും. രാജ്യത്ത് സമ്പൂർണ വാക്‌സിനേഷൻ ആരംഭിച്ച സാഹചര്യത്തിൽ ആശുപത്രികളിൽ രക്തത്തിന് കുറവുണ്ടായേക്കാവുന്ന സാഹചര്യം കണക്കിലെടുത്താണ് യൂത്ത് മൂവ്‌മെന്റ് കാമ്പയിൻ ആരംഭിക്കുന്നത്. വാക്‌സിൻ സ്വീകരിക്കുന്നതിന് മുമ്പ് പരമാവധി യുവാക്കൾ രക്തദാനം നടത്തുമെന്ന് പ്രസിഡന്റ് പ്രവീൺ വട്ടമല, സെക്രട്ടറി ദിലീപ്കുമാർ എന്നിവർ അറിയിച്ചു.