കട്ടപ്പന: നിർമലാസിറ്റിയിൽ വ്യാപാരിയെ മദ്യപസംഘം ആക്രമിച്ച് പരിക്കേൽപ്പിച്ചു. സെന്റ് മാർട്ടിൻ കോൾഡ് സ്റ്റോറേജ് ഉടമ പാലാ സ്വദേശി ഷിബുവിനാണ് മർദ്ദനമേറ്റത്. കടയുടെ വാതിലും ബോർഡും ഇവർ നശിപ്പിച്ചു. തിങ്കളാഴ്ച രാത്രി ഒൻപതോടെയാണ് സംഭവം. കട അടച്ചശേഷം ഒരു സംഘമാളുകൾ സ്ഥലത്തെത്തി ഇറച്ചി ആവശ്യപ്പെട്ടു. വീണ്ടും തുറക്കാൻ കഴിയില്ലെന്ന് പറഞ്ഞതോടെ ഇവർ ഷിബുവിനെ മർദ്ദിക്കുകയും അസഭ്യം പറയുകയും ചെയ്തു. 2 മണിക്കൂറിന് ശേഷം ഇവർ വീണ്ടും സ്ഥലത്തെത്തി കടയും അടച്ചുതകർത്തു. ഷിബുവിന്റെ പരാതിയിൽ കട്ടപ്പന പൊലീസ് കേസെടുത്ത് അന്വേഷണം തുടങ്ങി. വാഴവര മേഖലയിലുള്ളവരാണ് അക്രമം നടത്തിയതെന്ന് വിവരമുണ്ട്.