വൈക്കം : വാട്ടർഅതോറിട്ടിയുടെ വിവിധ സേവനങ്ങൾ ഓൺലൈനിലൂടെ ലഭ്യമാക്കുന്നതിനായി ഉപഭോക്താക്കൾ തങ്ങളുടെ വാട്ടർകണക്ഷൻ നമ്പർ (കൺസ്യൂമർ നമ്പർ) മൊബൈൽ നമ്പറുമായി ബന്ധിപ്പിക്കണം. ഇനിയും ഫോൺ നമ്പറുകൾ ബന്ധിപ്പിച്ചിട്ടില്ലാത്ത ഉപഭോക്താക്കൾ ജലഅതോറി​റ്റി വെബ്‌സൈ​റ്റായ www.epay.kwa.kerala.gov.in , അക്ഷയകേന്ദ്രങ്ങൾ വഴിയോ, വൈക്കം ഓഫീസ് മുഖാന്തിരമോ ബന്ധിപ്പിക്കാവുന്നതാണ്. വെള്ളക്കരം ബിൽ, മീ​റ്റർ റീഡിംഗ്,പണമടച്ച വിവരങ്ങൾ, കുടിവെള്ളം മുടങ്ങുന്നത് സംബന്ധിച്ച വിവരങ്ങൾ മുതലായവ ഇങ്ങനെ ബന്ധിപ്പിക്കുന്ന ഫോൺ നമ്പറിലേയ്ക്ക് ഉപഭോക്താക്കൾക്ക് എസ്.എം.എസ് ആയി ലഭിക്കും. ഫോൺ നമ്പർ ബന്ധിപ്പിക്കുന്നതിന് 15 നകം 04829 231204, 9496415707 എന്നീ നമ്പറുകളിലോ ബന്ധപ്പെടണമെന്ന് അസി.എക്‌സിക്യുട്ടീവ് എൻജിനിയർ അറിയിച്ചു.